حكايتى مع العصفوره ؟؟؟؟؟

حكايتي في عش عصفوره

فوق شجره سنط مهجوره

تنام الليل كما العاده

بتحلم تبقي اسطوره

بتحلم انها تصحي

تلاقي بيضه مسحوره

تهب الريح تهز الفرع

تقوم من نومها مذعوره

تحاول انها تغمض

عينيها تاني وتسلم

لكن قلبها بيصرخ

اكيد خايفه بتتألم

وحيده بين جفون الليل

غريبه في ضمير الكون

يفوت ليلها كأنه سنين

كأنه عجوز نفاه الكون

يشقشق فجرها تصحي

وما تلاقي سوي اشواك

وتنسي ليلها وهمومه

وتفتح للحياه شباك

وترجع تاني وتدور

ما بين الغصن والمسقي

حبيبها ليه يومين غايب

سايبها في الظنون غارقي

بتصرخ من الالم والخوف

بتجري بقلبها الملهوف

وبين اللهفه والحرقه

تلاقي ع الطريق ريشه

وجنب الريشه دي تلاقي

جناح الحلم متكسر

وصوت الغدر متفسر

وتصرخ والصدي يرجع

يزيد القلب خوف اكتر

وتنده تاني ما تلاقي

سوي صوتها بيتكرر

ده سابها من يومين فاتو
ا
وعدها يجيبلها سكر

وحاول بس مقدرش

رصاص الغدر كان اقدر

مهانش عليه يشوف غيره

سعيد طاير بقلب اخضر

ما جنب الريشه كان نايم

حبيبها وكان معاه السكر
................................

يعطيك الف عافية

ماننحرم من جديدك

يعطيك عافيه وتسلمي حبي