ملكة الاحساس عضـۈ ما ڹام مڹ كثر مڛاهماٺه
عدد المساهمات : 674 نقاط : 1083 السٌّمعَة : 10 تاريخ التسجيل : 14/10/2010
| موضوع: قصيدة على الاب حزينة الأحد أكتوبر 31, 2010 7:59 am | |
| يبه وينك ..؟؟
يبـه وينك ؟؟ ولهت لنظره من عينك .... يبه وينك ؟؟ اشوفه طوّل غيابك !! و من ودّاك .... ما جابك !! قالوا ما يدوم الزين !! و انا عندي امل للحين .. و لا كني اعرفك وين !!
يبه وينك ؟؟ عسى الداعي يبه بس خير ؟!! عساك بخير ....!! مداين تكرم لعينك ... بس ارجوك علمني ... علمني .. يبه وينك ؟؟
سألت امي عن رجوعك ... ولا كني اعرفك وين !! و قالت ... ما يدوم الزين !! و انا .. عندي امل للحين .. في رجوعك !! يبه بس تكفى علمني .... متى رجوعك ؟؟ يبه بس تكفى علمني . وش احلى من طلوع اثنين ؟؟ طلوع الشمس .... و طلوعك
يبه وينك ؟؟ سألت امي ...... غيابك طال ؟؟ ولا كنّي اعرفك وين !! و قالت مثل ما قالت .. حسافه ... ما يدوم الزين ... مع كل هذا صدقني .. انا عندي امل للحين !!
سؤالي عنك يالوالد .. صبح موال و اشوفه طال ... والله طال .. حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه .. يبه .. ارجوك علمني ... تشوف اللي انا اشوفه ؟؟ انا اشوفك نهار و ليل ... في وسط المجلس تصلي .. و تدعي الرب ييسر لي .. يبه .. ما عاد بي من حيل .. وين الحيل ؟؟ و انا اشوفك نهار و ليل .. مع اني ادري ما ترجع !! غريبه .. بعدها تدمع .. عيوني من هموم البين !! و ادريبه مكانك وين !! مع َ هذا .. ارد و اسأل !! يبه .... ووووينك ؟؟ و لا كني اعرفك وين !!
شبكت العشر في غيابك ... على راس ٍ كساه الشيب .. و من وداك ... ما جابك .. و لا ادري وش يخبي الغيب !! و جرح ٍ عذ ّب احبابك .... يبه ..عيّا يخف و يطيب !!
يبه.. كل جرح في الدنيا .. مصيره بالدوا يلتم ... و لكن البلا من جرح .. نزف فرقاك ... بليّا دم !! و هذا الفرق في جرحي ... عجز يلقا الدوا دكتور .. انا جرحي غريب الطور !! ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما تـلتم .. بس عندي امل للحين !! و لا كنّي اعرفك وين !!
يبه .. ذكراك تفرحني .... في نفس الوقت تجرحني !! لا من جبت في طاريك ... دموعي غصب تفضحني ....
يبه .. تذكر ليالي الصيف ؟؟ عرس الحي .. و رقص السيف ؟؟ و كرم قلبك معَ هـالناس .. كل ٍ كان في بيتك ضيف .. الا يا حيف .... الا يا حيف .. زمن قاسي .. زمن قاسي ... اخذ مني بلا رحمه اخذ مني اعز ناسي !! و خلاّ لي سهر هالليل .. في عيني ضيف .. الا يا حيف !!
يبه وينك ؟؟ تعال و شوف ... كبرنا مثل ما تمنيت . درسنا كل ما حبيت .. نصلي مثل ما وصيت .. و ندعيلك في كل ظروف .. يبه وينك ؟؟ تعال و شوف .. صحيح الدنيا ما ترحم .. تجرعنا التعب انواع ... و لكن الأمل ما ضاع .. و انا عندي امل للحين !! و لا كني اعرفك وين !!
يبه تذكر شطانـتـنا ؟؟ انا و اخواني و اخواتي ... معانا عيال حارتنا .. نلعب في زوايا البيت .. يبه ... والله انا حنيت .. لذاك الوقت في وجودك ... الا يا ريت ... الا يا ريت ... ترجع .. يا يبه حنيت .. حسافه الدنيا ما ترحم ... خذت منا سعادتنا ... خذتك بعيد .. و خلتنا !!!
يبه امي تذّكرنا ... بأيامك قبل ما تروح ... تناديها.. يا روح الروح .. تغازلها و تنظر لك .. مثل طفله ... ملامحها عشق مفضوح ... في ذاك الوقت .. كنا صغار ... معَ هذا ... كنا نغار .. عليها .. او بعد منها ... كنا نغار
نحبك يا يبه ... ارجع مثل شمس الفجر .. اطلع حزينه الشمس في غيابك .. و نفس الحزن في احبابك .. واخاف الشمس من حزني .. تغيب و ما بعد تطلع !! يبه ارجع !!
اذا لي خاطر فـ قلبك .. تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم .. لكن قلّت الحيله ... و يمكن مـ البطا ضاعت .. و قلنا يوم !!
يبه سامحني بترخّص ... قبل ينشف حبر الأقلام .. كلامي بعده ما خلّص .. و لكن موعد الأحلام .. حان .. ولازم اوفي له.. بعد ما ضاعت الحيله .. اشوفك والوعد باكر !! اذا فكّر يجي باكر ..!! و برجع اسألك وينك !! بس لازم تجاوبني .. ترى عندي امل للحين !! و لا كني اعرفك وين ..!! | |
|
فراشه حب مشرفه مميزهـ.,.][~
عدد المساهمات : 167 نقاط : 295 السٌّمعَة : 10 تاريخ التسجيل : 20/10/2010
| موضوع: رد: قصيدة على الاب حزينة الأحد أكتوبر 31, 2010 11:36 am | |
| الخاطره مره مرررره قمه في الرووعه يسلمووووووووووو | |
|
كلي دلع عضـۈ ما ڹام مڹ كثر مڛاهماٺه
عدد المساهمات : 387 نقاط : 924 السٌّمعَة : 10 تاريخ التسجيل : 14/10/2010
| موضوع: رد: قصيدة على الاب حزينة الأحد أكتوبر 31, 2010 2:48 pm | |
| اهى اهى بصراحه صيح بس ماثرها وايد بصراحه رائعه جدا | |
|
اسير الغرام عضو فعال
عدد المساهمات : 39 نقاط : 49 السٌّمعَة : 10 تاريخ التسجيل : 25/10/2010
| موضوع: رد: قصيدة على الاب حزينة الأحد أكتوبر 31, 2010 3:23 pm | |
| واجد حلو يسلموا الخاطره | |
|
ThAmEr مرآآقبـ ممييز .,.ْ~
عدد المساهمات : 206 نقاط : 245 السٌّمعَة : 13 تاريخ التسجيل : 02/11/2010 الموقع : KSA
| موضوع: رد: قصيدة على الاب حزينة الأحد نوفمبر 07, 2010 6:13 am | |
| ملكة الاحساس
أجد قلبي خليطا يضم كل تلك القلوب التي ذكرت فمن المحال ان يتصف قلب شخص بوصف واحد فبالنهاية من يملك هذا القلب انسان تمر به لحظات و مشاعر من الحقد .. الحب .. الكره .. الوفاء ...
نزف قلمك .. وعذوبة .. حرفك .. داااام قلمك وابدااعك بيننا معاني الوفاء اشتملت بين حروفك.. قد يكون الحب مر كثيراً من الاحيان بنا.. ولكن يوجد الحب العذب هنا بمتصفحك واراه يشع نوراً وبهاء.. حروفيك سكنت فيها ارقى واجمل معاني العذوبه.. قلبك يمتلك إحساس العالم رفقاً بالقلوب لا تحتمل كم مشاعرك رائعه دوماً تحياتي وخالص تقديري لكـِ
ThAmEr[i][u] | |
|
Ĵẹήāй❥ミ㋡ صاحبـہ المڹٺدـﮯ.,][ ~
عدد المساهمات : 1374 نقاط : 2932 السٌّمعَة : 3 تاريخ التسجيل : 13/10/2010
| موضوع: رد: قصيدة على الاب حزينة الثلاثاء نوفمبر 09, 2010 2:55 pm | |
| كم هِيَ اسطرآ رآئعه
خطتهآ انآمِلُك
هذآيدُل على إبدآع شخصِك
وذوقِك بمآتطرحِينه..
مُبدعه في طرحِك
بإنتظآر جديدِك
دمتي بخير دوما .,.][~ | |
|